قسط_13اسپتال کے کاریڈور میں وہ مضطرب و بے چین سا بیٹھا تھا ایک طویل صبر آزما انتظار کے بعد ڈاکٹر نے شہرے کے ٹھیک ہونے کی خبر سنائی تھی۔۔اسٹیو نے اسے گھر جانے کا کہا مگر وہ راضی نہیں تھا وہ پوری رات اس نے شہرے کمرے کے باہر گزاری آدھی رات وہ خاموشی سے اسکے وارڈ میں داخل ہوا جہاں وہ گہری نیند میں تھی مامون اسے بس یک ٹک دیکھے گیا۔۔۔وہ خاموشی سے اسکا ہاتھ تھامے وہیں اسکے پاس بیٹھ گیا۔۔۔وہ ٹھیک تھی خطرے سے باہر تھی مامون نے شکر کا سانس لیا تھا۔۔ وہ یونہی شہرے کے پاس صبح تک بیٹھا رہا تھا سورج کی روشنی ان دونوں کے چہرے پر پڑ رہی تھی مامون نے سر اٹھا کر شہرے کو دیکھا جس کا چہرہ سورج کی زرد کرنیں پڑنے سے چمک رہا تھااسکے چہرے پر بلا کی معصومیت تھی مامون بس اسی دیکھے گیا۔۔اسٹیو کی آمد نے اسکی نگاہوں کو منظر بدلنے پر مجبور کیا تھا۔۔۔وہ کل سے انہیں کپڑوں میں تھا جن پر شہرے کا خون لگا تھا اسٹیو نے زبردستی کر اسے گھر بھیجا تاکہ وہ اپنی حالت درست کرسکے۔۔چینج کرنے کے بعد وہ آرام کرنے کے بجائے واپس آفس آیا تھا اسٹیو کے لئے اسکا یہ انداز شاکنگ تھا۔۔۔اس نے کبھی مامون کو ایسے نہیں دیکھا تھا۔۔”اسٹیو تم آفس جاؤ میں ہوں یہاں”اسٹیو جانا نہیں چاہتا تھا مگر یہ مامون کا آرڈر تھا اور وہ اسکی حکم عدولی نہیں کر سکتا تھا۔۔اسٹیو کو آفس بھیج وہ خود شہرے کے پاس آکر بیٹھ گیا جو سوتے ہوئے معصوم سی گڑیا لگ رہی تھی ۔۔اسکے جاتے ہی شہرے کو ہوش آگیا تھا اور اب وہ گہری نیند میں تھی۔۔”لٹل گرل کیوں اتنی معصوم لگتی ہو حالانکہ ہو تو بالکل نہیں”اسکی پلکوں کو چھوتے وہ ہولے سے ہنسا تھا۔۔اور پھر بے اختیار وہ اسکے ماتھے پر جھکتا اسکے ماتھے پر اپنے لب رکھ گیا اور یہی وہ لمحہ تھا جب شہرے نے زرا سی آنکھیں کھولیں خود پر جھکے مامون کو دیکھ اسکی آنکھیں حیرت سے پھیلی تھیں بنا کچھ سوچے مامون کے سینے پر ہاتھ رکھ اس نے مامون کو پیچھے دھکیلا۔۔۔”تم۔۔۔ تمہاری ہمت کیسے ہوئی میرے قریب آنے کی””شہرے ایزی “”ایزی؟؟؟ کیوں بچایا تم نے مجھے کیوں ۔۔ مرنا چاہتی تھی میں چھوڑ کیوں نہیں دیتے مجھے تم۔۔۔ ” وہ بری طرح چلا رہی تھی مامون شاکڈ سا اسے دیکھ رہا تھا۔۔”شہرے””میرا نام مت لو تمہاری وجہ سے میں اپنے گھر سے دور ہوں تم ۔۔ تمہیں شرم بھی نہیں زرا سی مرنے دیتے مجھے ۔۔۔۔ نفرت کرتی ہوں میں تم سے سمجھ کیوں نہیں آتا تمہیں ؟” تیز بولنے سے اسکے سر میں ٹیسیں اٹھ رہی تھیں مگر مامون کو اپنے قریب دیکھ اسکا دماغ بری طرح خراب ہوا تھا۔۔اس سے پہلے مامون کو جواب دیتا ڈاکٹر کی آمد نے ان دونوں کو چپ رہنے پر مجبور کیا تھا۔۔شہرے ٹھیک تھی کوئی خطرے کی بات نہیں تھی مگر پھر بھی ڈاکٹرز اسے ایک ہفتے یہاں روکنا چاہتے تھے تاکہ اسکے زخم بھر جائیں مگر مامون اس پر راضی نہیں تھا۔۔۔مامون سے لاکھ نفرت سہی مگر ہاسپٹل میں رہنے کا سوچ ہی شہرے کو کوفت سی ہوئی تھی اسے دوائیوں کی اسمیل اپنے دماغ چڑھتی محسوس ہو رہی تھی۔۔مامون نے بذات خود ڈاکٹر سے بات کی ۔۔”ڈاکٹر وہ میری وائف ہے میں اسکا بہت اچھے سے خیال رکھ سکتا ہوں میں اپنا کام گھر پر رہ کر کرسکتا ہوں ” اس نے ڈاکٹر کو کہا تھا جو مشکل سے ہی سہی قائل ہوگیا تھا ۔اور اب ناچاہتے ہوئے بھی شہرے کو اس انسان کے ساتھ جانا پڑ رہا تھا۔۔۔_______________
Dil Ishqam By FN Episode 13
