قسط_30کھڑکی میں کھڑی ہو یک ٹک سامنے دیکھ رہی تھی جہاں وہ دشمن جہاں موجود تھا۔اسے اپنی قربت کے رنگوں میں رنگے وہ اب اس سے دور جا رہا تھا ۔جاذب شاہ نے خود پر نگاہوں کی تپش محسوس کر سر اٹھائے کھڑکی کی جانب دیکھا تو وہ نورے سریت سے پیچھے ہوئی تھی۔۔وہ اس شخص پر اپنے جذبات عیاں کرنے کا فلحال کوئی ارادہ نہیں رکھتی تھی۔۔دل اسکے جانے پر اداس تھا مگر اس اداس کو مانے سے انکار کر رہا تھا۔جاذب نے ایک نظر خالی کھڑکی کو دیکھا اور پھر دروازہ کھول گاڑی میں بیٹھ گیا بند دروازے کی آواز پر نورے نے پردے کی اوٹ سے جھانک کر باہر دیکھا تھا۔وہ جا رہا تھا۔ اسے ایسے چوری چوری جھانکتے دیکھ جازب کے چہرے پر مسکراہٹ آئی تھی نورے شاہ بھول جاتی تھی وہ جازب شاہ ہے اسکا دماغ آگے کا سوچتا تھا جیسے ابھی وہ سکون سے گاڑی کی سیٹ سے ٹیک لگائے مرر اپنی کھڑکی کی جانب سیٹ کرتا اسکے اداس چہرے کو دیکھ رہا تھا۔۔”سائیں چلیں ؟” ڈرائیور کی آواز پر چونکتے وہ سیدھا کرکے بیٹھتا ایک آخری نظر کھڑکی پر ڈالتے ڈرائیور کو چلنے کا اشارہ کر گیا۔۔۔گاڑی اسٹارٹ ہوتے ہی حویلی کی حدود سے نکلی تھی وہیں نورے کو لگا وہ شخص جاتے ساتھ اسکا دل بھی لے گیا ہو ۔آہستہ سے کھڑکی بند کرتے وہ واپس اپنی جگہ پر آ بیٹھی۔۔۔بستر پر ہاتھ پھیر وہ اس شخص کی موجودگی محسوس کرتے ایک دم چونکی۔۔”نور بالکل پاگل ہوگئی ہو مت بھولو وہ شخص تم سے صرف اور صرف نفرت کرتا ہے”خود کو جھڑکتے وہ اٹھ کھڑی ہوئی دل کو کسی پل قرار نہیں تھا دونوں ہاتھوں سے سر تھامے وہ خود کو اس شخص کے خیالوں سے آزاد کرنے کی کوشش کر رہی تھی جو بری طرح اس پر اپنا قبضہ جما گیا تھا۔اسکے نفرت کے دعوے کہیں دور جا سوئے تھے ۔۔اسکی شخص کا لمس اسکی خوشبو اسکی سرگوشیاں۔۔ ہاں وہ رفتہ رفتہ نور کو اپنے رنگ میں رنگ گیا تھا اس طرح کے اسے خود بھی خبر نہیں ہوئی تھی۔۔”بھابھی ؟”دروازے کے ناک ہونے پر نورے نے دروازے کی جانب دیکھا جہاں انابیہ کھڑی تھی۔۔”میں آجاؤں ؟””ہممم آجاؤ”اسکے اجازت دیتے ہی انابیہ مسکراتے اسکے پاس آ بیٹھی۔”آپ بھائی کے جانے سے اداس ہیں؟””نہیں میں بھلا کیوں اداس ہونگی اور تمہارے بھائی کون سا ویسے سارا وقت یہاں ہوتے ہیں”وہ اور مان جائے ناممکن تھا۔۔”انابیہ ایک بات پوچھوں ؟””جی پوچھیں اگر مجھے پتا ہوئی تو بتاؤں گی””تمہیں پتا ہے میرا گھر کہاں ہیں میرے ماں باپ؟”اسکے سوال پر انابیہ لمحے کو سوچ میں پڑ گئی۔”ویسے تو مجھے نہیں پتا مگر اتنا ضرور پتا ہے کہ کافی وقت ہوگیا وہ اب منظر پر نہیں مطلب سیاست میں نہیں ہیں باقی آپ کے سارے سوالوں کے جواب میری امی دے سکتی ہیں””ہممم۔۔۔ “”آپ اپنی فیملی کو مس کر رہی ہیں؟”انابیہ کے سوال پر ایک اداس سی مسکراہٹ نے اسکے لبوں کو چھوا تھا۔۔”جن کے چہرے مجھے یاد نہیں انہیں کیسے یاد کر سکتی ہوں میں””بھابھی اگر آپ واقعی اپنی فیملی اور پاسٹ کے بارے میں جاننا چاہتی ہیں تو آپ نسیم بوا سے معلوم کریں وہ یہاں کی پرانی ملازمہ ہیں انہیں سب پتا ہوگا””نسیم بوا۔۔۔ یہ کہاں ہوتی ہیں؟””حویلی کے پچھلے حصے میں جہاں سارے ملازمین کے کواٹر بنے ہیں” انابیہ نے اسے ایک نئی راہ دیکھائی تھی جاذب کی غیر موجودگی میں وہ اپنے ماضی کے بارے میں جاننا چاہتی تھی کیونکہ اب یہ ضروری ہوگیا تھا یہ بات دشمنی سے اب دل تک آگئی تھی وہ اپنے دل کو ضائع ہوتے نہیں دیکھ سکتی تھی۔۔۔__________
Dil Ishqam By FN Episode 30
