وہ مکمل یونیفارم میں ملبوس، ہر ہتھیار سے لیس ہوکر اپنے ٹیبل سے کچھ سمیٹ رہی تھی کہ دروازہ بجا اور جیلانی صاحب اندر آۓ۔”جی جیلانی صاحب کوئی اپڈیٹ؟” ہاتھ میں پکڑے صفحے کو پین ہولڈر کے قریب کرکے وہ ان کے سامنے آئی۔”میم جیسا ہم سمجھ رہے ہیں یہ وائرس اس سے نوے گنا زیادہ خطرناک ہے۔ ٹی وی پر غلط نیوز دی جارہی ہے۔ اس وقت ائیرپورٹ پرقریباً ڈیڑھ سو افراد موجود ہیں جن میں زیادہ پاسینجرز ہیں اور۔۔۔” وہ رک گئے۔”اور؟””قریباً چالیس افراد اس وائرس کا شکار ہوچکے ہیں اور یہ صرف پچھلے دس منٹس کی رپورٹ ہے۔ یہ وائرس بہت تیزی پھیل رہا ہے میم!” انہوں نے معاملے کی گہرائی سے اسے آگاہ کیا۔”کوئی علامات؟ کوئی نشانی؟” کہتے ہوۓ اس نے انہیں اپنے ساتھ باہر آنے کا اشارہ کیا۔”میم ابھی کچھ فائنل نہیں کہا جاسکتا مگر اس وائرس کا شکار انسان کی بھوک انسانی گوشت، انسانی خون ہے۔” ان کی بات پر کمالہ کے تاثرات بدلے، الجھن سے انہیں دیکھا۔”یس میم! یہی سچ ہے۔ اور لکیلی مسٹر روحان اس وقت سیف ہیں۔ لیکن یہ وائرس بہت سے افسران کو انفیکٹ کرچکا ہے۔ سو ائیرپورٹ کی سیفٹی مزید ممکن نہیں ہے۔” وہ لوگ باہر آچکے تھے۔ کمالہ اپنی گاڑی کی طرف گئی، پیچھے جیلانی صاحب بھی تھے۔”یہ وائرس پھیلا کیسے؟ پاکستان میں اس سے قبل ایسی ایک بیماری آئی تھی ریبیز! ان دونوں کا آپس میں کوئی کنیکشن تو نہیں ؟”اس نے مڑ کر جیلانی صاحب کو دیکھا۔”میم رسورسز سے پتا چلا ہے کہ یہ وائرس کسی ڈرگ سے پھیلا ہے۔ ایک ہفتہ قبل کورنگی ٹاؤن میں دو بچوں میں یہ سمٹمز پاۓ گئے ہیں۔ بہت سے لوگ ائیرپورٹ پر ہونے والے حادثے اور ان دو بچوں کی بیماری کو ایک بتارہے ہیں۔لیب رپورٹس ابھی ممکن نہیں، مگر ماہرین کا کہنا ہے کہ یہ ایک ہی وائرس ہے۔” دوسری گاڑیوں میں افسران بیٹھ رہے تھے۔ جبکہ کمالہ ویسے ہی ان کے سامنے کھڑی تھی یعنی جو اسے رپورٹ دی گئی تھی وہ بالکل سچ تھی۔
The Last Night by Zainab Nasar Khan Episode 10
