وہ اس وقت اصوب ابراہیم کے ساتھ میٹنگ لاؤنج میں تھی جب اسے روحان کے زریعے کمالہ کے انفیکٹڈ ہونے کی خبر موصول ہوئی۔ کچھ افسران کو ریڈ کیلیے بھیج دیا گیا تھا جبکہ دوبارہ کراچی کے کچھ علاقوں میں وائرس سے متعلق شبہات موصول ہوۓ، جس کے پیشِ نظر اسے دوبارہ میٹنگ میں بلایا گیا اور پوری بریفنگ نئے سرے سے دینے کو کہا گیا۔ لیکن جیسے ہی اسے کمالہ کے انفیکٹڈ ہونے کی خبر موصول ہوئی، اس کے ہاتھ پاؤں جیسے پھولنے لگے۔ رنگت ایک دم متغیر سی ہوگئی۔ اس نے کمالہ کے ساتھ مل کر کئی متاثرہ افراد کو ریسکیو کیا تھا، ان کی حالت بعض اوقات اس قدر بگڑ جاتی کہ ان کو سنھبالنا ایک الگ مسئلہ ہوتا اور خود کو بچانا ناممکن ہوجاتا۔ وہ لوگ اتنے کٹھن وقت میں سرائیو کرچکے تھے اور اب اس کا یوں اتنی آسانی سے انفیکٹڈ ہوجانا۔ وہ اپنا سر تھام کے بیٹھ گئی۔ جو کچھ بھی ہوا بہت غلط ہوچکا تھا۔”یہ لیں پانی پئیں۔” پاس ہی کھڑے اصوب ابراہیم جنہوں نے اسے کمالہ کے متاثر ہونے کی خبر دی تھی، اب اس کی بگڑتی طبیعیت کے پیشِ نظر فوراً آگے بڑھے اور پانی کی بوتل کھول کر اس کے سامنےرکھی۔’اس وقت صبر سے کام لینا ہوگا۔ پینک کرکے جو لوگ فی الوقت محفوظ ہیں ان کے لیے خطرہ نہیں بنیں۔ انہیں آپ لوگوں کی ضرورت ہے۔” اصوب نے نرمی سے اسے سمجھایا اور جو چند افسران وہاں تھے انہیں باہر جانے کا اشارہ کیا۔ چونکہ میٹنگ ختم ہوچکی تھی اور سبھی باہر نکل رہے تھے تو کسی نے کوئی عذر تلاش نہ کیا۔ بلکہ ایک ہڑبڑی کے تحت سبھی باہر چلے گئے۔ اس وقت پاکستان کے بہت سے اداروں میں بھونچال آیا ہوا تھا۔ نہ کسی کو علم تھا کہ متاثرہ افراد سے کیسے بچنا ہے؟ کیا تدابیر ہیں؟ بلکہ وہ احتیاطی تدابیر جو انہیں بتائی جارہی تھیں، ان حالات میں وہ تک بھولتے جارہے تھے اور ڈر اور خوف نے مزید سونے پر سہاگہ کا کام کیا تھا۔ بہادر سے بہادر افراد بھی کونے کھدروں میں چھپ کر بیٹھ چکے تھے۔ کاروباری مصروفیات ختم ہوچکی تھیں، بازار بند تھے، غرض دنیاوی زندگی کی رونقیں ختم ہوچکی تھیں۔ اگر کچھ تھا تو وہ خاموشی تھی، ایسی خاموشی جس نے بڑے سے بڑے سورما کو بلوں میں قید کردیا تھا۔ صرف سروسز کے ادارے تھے جو متحرک تھے۔ سڑکوں پر کہیں کوئی رش نہ تھا، کبھی کبھی اکا دکا آرمی یا پولیس کی گاڑیاں گزرتی تھیں۔ جہاں کراچی رات کے تین تین بجے بھی روشنیوں سے منور رہتا تھا وہاں شام کے سات بجے ہی اندھیر نگری بن چکا تھا۔ لاک ڈاؤن کے بعد لوگ اپنے اپنے گھروں میں چھپ کر اپنی جانیں بچا رہے تھے۔ کراچی کی ہر گلی، کوچہ اس وقت ایک سنسان اور ویران قبرستان کی طرح لگ رہا تھا۔”اگر اسے کچھ ہوگیا تو؟ وہ تو اتنی مضبوط تھی۔ اسے کیسے ہوگیا؟ اوہ خدایا۔” وہ صدمے سے نکلنے کی کوشش کرنے کے باوجود اس کی لپیٹ میں آرہی تھی۔ بار بار اس کا ہنستا مسکراتا چہرہ آنکھوں کے سامنے آتا تو اسکا وجود لرز اٹھتا۔”پریشان نہیں ہو۔ میری روحان سے بات ہوئی ہے۔ مس کمالہ انفیکٹڈ تو ہیں مگر اس وقت وہ لوگ کسی شیلٹر میں ہیں اور تینوں ہی سیف ہیں۔”اس نے سنجیدگی سے اس کے سامنے کرسی پر بیٹھتے ہوۓ کہا۔”تینوں؟” اس نے الجھن سے اصوب کی طرف دیکھا جس نے اس کی الجھن سے بھرپور نظروں پر سر جھکادیا۔”اس کا مطلب وہ سبھی؟” اس کے جیسے الفاظ اٹکنے لگے۔ اصوب نے جھکے کندھوں کے ساتھ اثبات میں سرہلادیا۔”پریشان ہونا مسئلے کا حل نہیں۔ تھوڑی دیر تک سورج نکلنے سے پہلے ہی ریسکیو ٹیم ان تک پہنچ جاۓ گی۔ بس دعا کرو سب ٹھیک رہے۔” بڑے آرام دہ انداز میں کہہ کر اٹھ کھڑا ہوا۔”ابھی کچھ جگہیں ایسی ہیں جہاں ریڈ کرنا باقی ہے۔کمالہ کی طرح آخری سانس تک لڑنا ہے یا محض اس غم میں رہ کر خود کو تکلیف پہچانی ہے؟” وہ جیبوں میں ہاتھ ڈالے بڑی گہری نظروں سے اسے دیکھ رہا تھا۔ عِزہ چپ سی کرگئی۔ پھر ایک تکلیف دہ نظر اٹھا کر اسے دیکھا۔”میں اس کی طرح بہادر نہیں ہوں۔””لیکن میں چاہتا ہوں تم میرے ساتھ چلو (رہو )!” وہ اسے اکیلا نہیں چھوڑ سکتا تھا۔ اور ان حالات میں تو بلکل نہیں۔وہ کئی لمحے ٹیبل کی اوپری سطح کو گھورتی رہی۔ پھر خاموشی سے سر ہلاکر اٹھ کھڑی ہوئی۔”کہاں جانا ہے؟” رونے کی وجہ سے آواز بھاری ہورہی تھی۔”ایک دو بارز ہیں اور کچھ پرائیوٹ سپاٹس ہیں۔” اصوب کے کہنے پر اس نے سرہلا دیا۔ اس وقت ڈرگز زیادہ تر نائٹ کلبز میں بک رہے تھے۔ ایسا نہیں تھا کہ وہ نائٹ کلبز باقاعدہ اپنے نام بھی رکھتے تھے۔ بلکہ کچھ اپر کلاس اور کچھ ماڈرن طبقہ ایسا بھی تھا جن کے بچوں نے اپنے گھروں میں ہی یہ سہولتیں بنائی ہوئی تھیں۔ اپنی طرز سے وہ بلکل مغربی زندگی گزار رہے تھے۔ ایک ایسی زندگی جہاں کوئی روک رکاوٹ نہ ہوتی، اگر باپ شراب پی رہا ہوتا تو ماں کے لیے چند سپ پینا ایک عام اور قطعی معمولی بات تھی۔ دیر رات کو کلبوں سے واپسی کرنے والے والدین کے گھروں کا طوائف خانہ بننا ایک انتہائی معمولی بات تھی۔ بلکہ یہاں اس بات کو ماڈرنزم سے منسوب کیا جاتا تھا۔ آپ بغیرتی میں اپنے حلقہٴ احباب میں جتنے مشہور ہونگے اتنی زیادہ واہ واہ ہوگی۔ لڑکے اور لڑکی کا ایک ساتھ اکیلے وقت گزاری کرنا “فن” سمجھا جاتا تھا۔ عِزہ سمجھ چکی تھی۔ اسے ایسے گھروں میں جانا تھا جہاں بے حیائی عروج پر تھی۔
★____________★
