Ye Manzil Aasan Nahin by Kainat Riyaz Episode 1 Classic Novel Saga Online Reading

بعض فیصلوں کو اللّٰہ کے سپرد کر دینا چاہیے ۔۔وہ کس طرح آپ کو منزل تک لے جائے کچھ خبر نہیں ہوتی۔۔۔اس کی تدبیریں بڑی ہی برکتوں والی ہوتی ہیں ۔۔۔۔!
”سوہنی دھرتی اللہ رکھے ، قدم قدم آباد….
قدم قدم آباد تجھے…….. قدم قدم آباد……“
اس ترانے کے بول نئے انداز میں انوکھے خوبصورت سازوں کے سنگ اس کی زبان سے  ادا ہو رہے تھے۔۔۔اسکی آواز ہمیشہ کی طرح میر ولا گھر کی خاموشیوں میں گونجتی جا رہی تھی ۔اس کی انگلیاں جب بھی گٹار پر چلتی تھیں، سرور پھونکتی تھی۔۔۔ یہ میر بلال تھا۔۔۔۔میر خاندان اور اس گھر کے بڑے بزرگ میر مرتضیٰ مظفر کے پوتے ۔سب سے چھوٹے,  سادہ مزاج جو زیادہ بات کرنے ،یا بولنے کا  عادی نہیں تھا وہ بہت کم بات کرتا تھا زیادہ خاموشی کو ترجیح دیتا تھا۔ ضرورت میں بھی ضرورت سے کم بولتا تھا ۔ اطمینان میں جینے والا بے سکونی میں بھی پُر سکون رہنے والا سادہ سا میر بلال !
 اس کا زیادہ وقت اپنے گٹار کے ساتھ گزرتا تھا۔۔مدھر گیتوں میں کھویا رہتا تھا ۔۔ اس کا شوق بھی اسی کے مزاج سے مطابقت رکھتا تھا۔۔۔ 
پہلا پوتا ہے میر زمان ۔۔۔بے حد پیارا اور خیال رکھنے والا انسان ۔۔نرم اور متحمل مزاج۔۔۔یہ اتنے بردبار طبیعت کے مالک ہیں کہ ان کا رعب بڑے ہونے کے باوجود چھوٹوں پر نہیں چلتا ۔ان کا کوئی ڈر نہیں کسی پر ہاں مگر اس سے چھوٹے پوتے میر ذکاء کے غصیل اور اکھڑ مزاج ہونے کے باعث ہر کوئی اس سے کنی کترا کے پھرتا ہے میر ولا میں۔۔۔یہ طنزیہ گفتگو اور کاٹ دار لہجوں کے برینڈ ایمبیسڈر ہیں۔۔۔جس کی وجہ سے کوئی بھی ان سے اڑنے کا رسک نہیں اٹھاتا ۔۔
میر ذکاء کا کمرہ ہمہ وقت ان کی موجودگی سے آباد رہتا ہے ۔۔یہ گھر کی محفلوں میں کم ہی دکھتے ہیں ۔۔اگر کبھی شاذ و نادر کسی محفل کا حصہ بن جائیں تو جنگ چھڑ جاتی ہیں ان کی میر ولا کے تیسرے پوتے میر ذیشان سے ۔۔۔
دونوں کی بالکل نہیں بنتی۔۔بچپن سے ایک دوسرے کے پکے دشمن واقع ہوئے ہیں ۔۔ایک دوسری کی شکایات کا ٹوکرا دونوں کے سروں پر ہمیشہ سوار رہتا ہے۔۔میر شانی ان کو چھیڑنے سے نہیں چوکتے اور یہ ان کی لینے سے ۔۔
اب بھی آفس سے آ کر سیدھا اپنے کمرے میں گھسے مووی دیکھنے میں مصروف ہیں ۔۔۔لوگوں کو لگتا ہے کہ ان کو نت نئی موویز دیکھنا بےحد پسند ہے ۔۔یہ بات کہاں تک سچ ہے معلوم نہیں ۔۔مگر یہ اپنا فارغ وقت ان ہی پر صَرف کرتے ہیں ۔۔
یہ گھر کے معاملات میں دخل اندازی نہیں کرتے۔۔مگر کوئی اگر ان کے معاملات میں ٹانگ اڑائے تو رعایت نہیں کرتے ۔۔کاٹ دار جوابوں سے سامنے والے کی عزت بے حد پیار سے اتارتے ہیں ۔۔ان سے پنگا لینے سے پہلے سوچنا لازم ہیں ۔۔اور بچنا فرض ۔۔
میر ذیشان سے اکثر ان کی توتڑاخ ہو جاتی ہے ۔۔میر ولا میں واحد یہ ہی ہے جو میر ذکاء سے پنگا لینے کا خطرہ مول لیتے ہیں ۔۔اور میر ذکاء سے ہٹنے کے بعد ان کی زیادہ توجہ اپنے نت نئے ایکسپئرمنٹ میں رہتی ہے ۔۔کمسٹری اسٹوڈنٹ ہے تو تعلیم گاہ کے بعد ان کی تجربات کا خاص مقام میر ولا کی اسٹڈی ہوتی ہے ۔۔جہاں یہ ہر روز نئے نئے تجربات کرتے ہوئے کیمیکل ری ایکشن سے دھماکے کرتے نظر آتے ہیں ۔ لیکن دن رات پاگلوں کی طرح اپنے تجربات پر کام کرنے کے باوجود بھی آج تک یہ اپنے کسی تجربے میں کامیاب نہیں ہوئے ۔۔میر ولا کا ہر فرد ان کے کیمسٹری ایکسپیرمنٹ کے کریز سے عاجز ہیں۔۔
ماں کا ارمان تھا دادا کی طرح آرمی آفیسر بنے ۔مگر موصوف کا رحجان کمسٹری کی سمت مڑ گیا ۔۔ اور ریٹائرڈ بریگیڈئیر میر مرتضیٰ مظفر کے بعد ان کے لاکھ دلی خواہش کے باوجود ان کے بیٹوں اور پوتوں میں سے کسی نے آرمی جوائن نہیں کی تھی۔۔۔
اس کا بڑا غم تھا انھیں ۔۔اور اقراء ممانی چاہتی تھیں ۔۔ان کے بڑے سپوت زمان نہ سہی مگر ذیشان کم از کم اپنے دادو کی خواہش کا مان رکھ لے۔۔لیکن ذیشان کے اسکول کو خیر باد کہنے کے بعد کالج میں قدم رکھتے ہی خیالات بدل گئے۔۔اس سے کمسٹری کا ارتکاب کیا ۔۔اور سب کی امیدوں پر پانی پھیر دیا ۔۔ 
سو اب سب ان کے آئے دن بے وقت کے ایکسپیرمنٹ سے پریشان اور ان کی غیر سنجیدہ اور شریر حرکتوں سے نالاں رہتے ہیں ۔۔
اس کے بعد آتے ہیں میر ولا کے چوتھے پوتے ۔۔میر زوار ۔۔
منجھلے ماموں میر شاہ ویر اور ان کی بیگم فائقہ ممانی کی دو ہی اولادیں ہیں ۔۔
میر ذکاء اور چھوٹے میر زوار 
اس نے میر ذکاء کی طرح فیملی بزنس کرنے کو اہمیت نہ دے کر اپنی خواہش پر کام کیا ہے۔۔
میر زوار کا رحجان میڈیا میں ہے۔۔۔یہ میس کمیونیکیشن کے اسٹوڈنٹ ہیں اور ان کو سوشلزم پسند ہے ۔۔اسکے علاوہ ان کی مہارت یہ ہے کہ یہ بہت اچھے دوست اور ایڈوائزر ہیں ۔۔ہر کسی کے معاملات پر نظر رکھنا اور انھیں صحیح رائے دینا ان کا فرض اولین ہے ۔۔ یہ بہت اچھے سے سب کے مسائل کو حل کر سکتے ہیں ۔۔ اور اپنے بڑے بھائی میر ذکاء کے بالکل الٹ ہیں ۔۔بڑا کسی کے معاملات میں گھستا نہیں اور چھوٹا بلاوجہ ہی گھسنے پر مجبور ہو جاتا ہے ۔۔ سب کے پیچیدہ مسائل اپنے آپ اس کی جھولی میں آ گرتے ہیں ۔۔کچھ لوگوں میں وہ بابا جگاڑوں نام سے بھی مشہور ہیں ۔۔
اب بچتی ہیں میر مرتضیٰ مظفر کی دو پوتیاں ۔۔
بڑی ماموں کی اکلوتی بیٹی مہر النساء اور چھوٹے ماموں کی اکلوتی بیٹی ذیب النساء ۔۔
یہ بھی انوکھی لاڈلیوں کے درجے پر فائز ہیں ۔۔
زیب النساء کو اینی ٹائم اپنے ویٹ کے بڑھ جانے کے ہول اٹھتے رہتے ہیں ۔۔حالانکہ متناسب وزن کی حامل خوبصورت لڑکی ہیں۔۔۔لیکن ایک بار ان کو ان کی دوست نے موٹے ہونے کا طعنہ کیا دے دیا تھا ۔۔بس تب سے ان کو خدشات اٹھنے لگے ہیں ۔۔آئے دن ان کے ڈائٹنگ کے شیڈول چلتے رہتے ہیں ۔۔دیسی کھانوں سے مکمل پرہیز ہیں انکو اور فیٹ فوڈز کا تو بائیکاٹ ہے۔۔
مہر النساء کو اینی ٹائم اپنے چہرے کو چمکانے کی فکر رہتی ہے ۔۔کوئی دیسی ٹوٹکا نہیں ہے جن کا استعمال اور مشاہدہ انھوں نے نہ کیا ہو۔۔۔آئے دن ان کا چہرہ کسی کو اتنا نظر نہیں آتا جتنا ان کے چہرے پر ماسک کی لیپائی پتائی نظر آتی ہے ۔۔انکو بھی وہم ہے کہ ان کی رنگت کالی پڑ گئی ہیں ۔۔جبکہ اگر دنیا میں گورے رنگ کا تمغا ملتا تو میر ولا میں سب سے شفاف اور گوری رنگت ہونے کی وجہ سے ان ہی کو ملتا ۔۔۔
پر وہی مثال ۔۔وہم کا کوئی علاج نہیں ۔۔
ایک اور بھی پیاری سی نواسی ہیں دادو کی۔۔
نایاب ۔۔۔! یہ اپنے نام کی طرح ہی ہر کام میں نایاب اور لاجواب ہیں ۔۔سگھڑ اور سمجھدار ۔۔ساری ذمےداری سنبھالنے والی نہایت پیاری اور کم گو سی ۔۔دادو کی بیٹی زرناب کی شادی کے دوسرے سال میں علیحدگی ہو گئی تھی ۔۔جس کے بعد وہ شادی کے دوسرے سال میں ہی واپس میر ولا آ گئی تھیں ۔۔ایک نئے وجود کے ساتھ اپنی ایک بیٹی نایاب کو لے کر۔۔۔زرناب پھپھو نے آگے شادی نہ کی ۔۔۔مرد ذات سے ایسا بھروسہ ٹوٹا تھا کہ پھر کبھی ہمت نہ کر پائی کسی اور پر بھروسہ کرنے کی ۔۔ہزار بار سب کے سمجھانے کے باوجود وہ اپنے اصولوں پر قائم رہیں اور پھر ساری عمر نایاب کی پرورش کے نام کر دی۔۔۔ وہ ایک سلجھی ہوئی اور اور کم سخن خاتون ہیں ۔۔عاجزی اور انکساری ان کے چہرے سے جھلکتی ہیں اور صبر و استقامت ان کے مزاج کا اہم حصہ ہے ۔۔۔ان کی یہی عادات نایاب میں بھی کوٹ کوٹ کر بھری ہوئی ہے ۔۔وہ پورے گھر بھر کی لاڈلی ہے۔۔تینوں ماموؤں اور ممانیوں کی دل پسند ہے ۔۔اور ان کا زیادہ تر دن کا حصہ کچن میں نت نئی ڈشز پر اپنی صلاحیت صرف کرنے اور تجربہ کرتے ہوئے گزرتا ہے ۔۔کھاناداری میں نمبر ون ہیں اور ان کے کھانوں کی تعریفیں خاندان بھر میں ہوتی ہیں ۔۔ہر پھوہڑ اور لاابالی لڑکی کو نایاب کی مثالیں دی جاتی ہیں۔۔۔
اب بھی وہ لڑکی کچن میں گھسی چند سویٹ ڈشز بنانے میں مصروف تھی۔۔