اوپر کی جانب سے دیکھا جائے تو یہ منظر ہے غزنوی پیلس میں موجود ایک وسیع کمرے کا ، جس میں جدید ورک آوٹ مشنری اور ڈمبلز رکھ کر اسے جم کی شکل دی گئی تھی۔ بائیں جانب موجود دیوار پر قد آور آئنیہ نصب تھا جس کے سامنے الیکزینڈر ، ایک گھٹنے کے بل بیٹھ کر ، بائیں ہاتھ کو کمر پر موڑ ، دائیں ہاتھ سے ہیوی ڈمبل اٹھائے ہوئے تھا۔
بھورے رنگ کے ٹراؤزر پر ، کالے رنگ کی بنیان پہنے اس کا کثرتی جسم نمایاں تھا، اوپر سے ماتھے پر موجود اس کے بھکرے بال اسے کافی جازب نظر بنا رہے تھے۔
اکمل۔۔۔۔ ”رضیہ سے کہو میرا دیسی گھی کا پراٹھا تیار رکھے ، ساتھ ایک دودھ کا گلاس بغیر چینی کے“
سائیڈ سے تولیہ اٹھاتے ، ہاتھوں کو پونچھتے ہوئے پاس کھڑے ملازم سے کہتا اوپر کی جانب بڑھ گیا جب کہ پیچھے موجود ملازم حیرانی سے اس کو دیکھتا رہ گیا ، جو ورک آوٹ کے بعد دیسی گھی کھانے کی فرمائش کر رہا تھا۔
❤️✨
”کبھی کبھار سب سے الگ خود کے ساتھ وقت گزارنا اچھا ہوتا ہے۔ جس میں آپ دنیا کی ہر فکر و غم سے آزاد بس خود پر توجہ دیتے ہیں“۔
کراچی کے بہترین ریسٹورنٹ ”کولاچی“ میں موجود وہ سب سے الگ کونے میں موجود ایک ٹیبل پر براجمان تھی۔ سامنے رکھے باؤل میں بھاپ اڑاتا چکن کارن سوپ ، اس سے آتی دلفریب خوشبو بہت خوش گوار معلوم ہو رہی تھی۔
سوپ انجوائے کرتی وہ ساتھ سمندر سے اٹھتی موجوں اور ٹھنڈی ہواؤں کو خوش گواری سے محسوس کر رہی تھی۔ یہ منظر ، یہ لمحہ ایسا ہوتا ہے جو انسان کی روح میں اترتے سکون بخش دیتا ہے۔
مگر اس کے یہ پر سکون لمحوں میں یکدم خلل پیدا ہونے لگا جب پیچھے موجود ٹیبل سے مسلسل بحث کی آواز آنے لگی۔ جب اس نے پیچھے مڑ کر دیکھا تو ضبط سے سانس کھینچی اس ٹیبل کی جانب چل دی۔
❤️✨
