اضطراب کی سی کیفیت میں سر دائیں سے بائیں ہلاتے وہ وجود نیند میں پسینے سے شرابور بلکل نہایا ہوا تھا کمرے میں نصب اے سی کی ٹھنڈک بھی کسی کام نہیں آئی تھی اور لب وہ ہولے سے تھر تھرا رہے تھے مانوں کسی کو آوازیں دے رہے ہوں ”
اگلے ہی پل وہ وجود ایک جھٹکے سے اٹھ بیٹھا چہرے پر گرے بالوں کو سمیٹ کر پشت پر باندھتے گہرے سانس بھرنے لگا کچھ توقعف کے بعد جونہی حواس بحال ہوۓ تبھی آذانِ فجر اس کے کانوں میں پڑی ” ۔
فریش اپ ہوکر نماز کی نیت باندھی اس کے بعد قرآن پاک کی تلاوت سے فارغ ہوکر لان میں یونہی چہل قدمی کرنے لگی نیند تو اس کے بعد آنی نہیں تھی”
یہ اس کا روز کا معمول تھا جب سے اس نے ہوش سنبھالا تھا ایسے بہت سے خواب اسے دِیکھتے تھے۔
اور نیند تو جیسے کہیں کھو گئی تھی۔
آج بھی ٹھیک سے نیند نہیں آئی بیٹا۔۔؟؟
خورشید صاحب اسے ٹہلتے دیکھ پوچھنے لگے آنکھوں میں جھلک رہی پریشانی دیکھ کر آکاشہ نے محض سر کو اثبات میں ہلا کر ان کی بات پر مہر لگائی۔
ٹیبلٹ لینی تھی نہ گڑیا حد ہوتی ہے لاپرواہی کی انہوں نے تھوڑے سخت لہجے میں کہا تو آکاشہ ان کی سختی پر ہولے سے مسکرا دی۔
روز تو کھاتی ہوں نہ انکل رات کو دل نہیں کر رہا تھا اسی لیے نہیں لی ان کے خفا ہوۓ چہرے کو محبت سے دیکھتے وہ لاڈ سے بول کر ان کے گرد بانہوں کا حصار باندھ گئی ” ۔
اچھا اچھا ہٹو اب زیادہ مکھن لگانے کی ضرورت نہیں ہے ناراضی سے کہ کر وہ اس کے ہاتھ اپنے بازوں سے ہٹانے لگے جس پر وہ قہقہ لگا گئی۔
ہاہاہاہا۔۔ انکل بلکل روٹھی ہوئی محبوبہ لگ رہے ہیں قسم سے ان کی گھوریوں پر قہقہ ضبط کرنے کی کوشش میں ہلکان ہوتی وہ سرخ چہرے کے ساتھ بولی۔
توبہ ہے لڑکی آؤ اندر چلتے ہیں یہ نہ ہو تمھاری چچی کا غصے کے باعث پارہ ہائی ہوجاۓ تمھاری تو خیر ہے پر میں بیچارہ ان کے اعتناب کا شکار ہوجاؤں گا خالص بیچارے مردوں کی طرح دہائی دے کر اندر کی طرف بڑھتے خورشید ملک نے کہا ”
اس نے ہنسی دباتے قدم ان کے ہمراہ لیے مگر کیا کچھ نہ زہن کے پردوں پر لہرایا مما بابا بھی انہیں کی طرح لڑتے جھگڑتے اور ایک دوسرے کو ٹونٹ کرتے تھے۔
چچی کی آواز پر وہ ہوش کی دنیا میں لوٹتی آنکھوں میں آئی نمی صاف کر کے ان کی طرف بڑھی جہاں وہ اس کی راہ دیکھ رہی تھیں۔
—
