تھوڑا ہل چل بھی لیا کرو جب دیکھو بستر پر پڑے چارپائیاں توڑتے رہتے ہو پھر کہتے ہو تھوڑا سا چل کر ٹانگوں میں درد شروع ہو جاتا ہے دوسرا گھر سے رزق منہ موڑ لیتا ہے پر تمھیں کون سمجھاۓ کبھی سنی ہے میری یہ اب سنوگے۔۔؟؟اکبر صاحب جو چارپائی پر نیم دراز تھے بیوی کی جلی کٹی باتیں سنتے فوراً سے اٹھ بیٹھے شام میں پھیلا نیم وا اندھیرا ان کی آواز کے ساتھ کافی خواب ناک دیکھائی دے رہا تھا ” ۔اب تمہیں میرے سونے سے بھی مسلہ پیش آنے لگا ہے بیگم اور رہی بات سننے کی تو ہمیشہ سے تمھیں ہی تو سنتا ہوا آرہا ہوں میری کیا مجال جو تمھاری شان میں گستاخی کروں۔۔؟؟انہوں نے شانِ بےنیازی سے کہتے معصوم بن کر سارا ملبہ بیوی پر تھوپ دیا مسز اکبر نے گھور کر شوہر نامدار کو دیکھا تھا۔ہاہاہاہا ابا آپ بھی نہ پکے والے زن۔۔ مم میرا مطلب ہے بیوی کی پرواہ کرنے والے ہیں رانی نے ابا اور اماں کی سخت گھوریوں پر پھسلتی زبان کو بروقت روکتے بات سنبھالی “ورنہ کوئی بعید نہ تھی کہ آج سہی معنیوں میں دونوں سے عزت افزائی ہوجاتی۔جب بھی بولنا فضول ہی بولنا تیری عمر کی لڑکیاں سارا گھر سنبھال لیتیں ہیں اور ایک تو ہے ہڈ حرام ایک کام کہ دو اسے بھی کرتے ہوۓ تجھے موت پڑنے لگتی ہے معمول کی طرح اماں کو باقائدہ ایک اور عذر مل گیا تھا اسے زلیل کرنے کےلیے ” وہیں وہ ان کی بات پر بدمزہ ہوتی دانت کچکچا گئی۔اماں تیرا مسلہ کیا ہے آخر جب دیکھو مجھ معصوم کے پیچھے پڑی ہوتی ہو کبھی تو بندہ آرام سکون سے بیٹی سے بات کر لیتا ہے مگر نہیں تم تم تو جیسے ہر وقت انگارے چباۓ رکھتی ہو “کبھی کبھی مجھے ایسا لگتا ہے جیسے تم مجھے کچرے کے ڈھیر سے اٹھا کر لائی ہو ابا دیکھا کیسے تیری بیوی مجھ پر طنز کے تیر چلاتی ہے “رانی نے معصومیت کے سارے ریکارڈ توڑتے مصنوعی آنسو بہاتے بیچ میں ابا کو شامل کیا۔تو مت رو میری بچی تیری ماں کا تو دماغ چل گیا ہے ہر وقت ہم دونوں کو بلاوجہ سناتی رہتی ہے اب کچھ بولے تو سہی میں اس سے نمبٹ لوں گا ابھی تیرا باپ زندہ ہے اچانک ہی ابا کا خون جوش مارنے لگا تھا وہ بیوی کو تندہی نظروں سے دیکھتے رانی کو چپ کر وا رہے تھے ” ۔۔ہالنکہ وہ اچھے سے جانتی تھی کہ اماں کے آگے کسی کی چلی ہی کب ہے ہمیشہ سے اماں ہی کا روب و دبدا چلتا ہوا آیا ہے “۔آج کچھ زیادہ ہی نہیں چل رہی تم باپ بیٹی کی زبان وہ آئی برو اچکاتے دونوں بازوں سینے پر باندھے کڑے تیوروں سے مستفر تھی۔اب اللّٰہ پاک نے زبان دی ہے تو چلائیں گے ہی نہ جھٹ سے ہانک لگا کر رانی نے کمرے میں دوڑ لگائی تھی جبکہ اماں اب اسے چھوڑ کر شوہر نامدار کے پیچھے لگ گئیں تھیں ” ۔وہ جان خلاصی ہونے پر تکیے پر سر دھرتے دوبارہ سے آنکھیں موند گئے تھے۔—اب اٹھ بھی جاؤ الحان ورنہ میں تمھارا کام بگاڑ کر رکھ دوں گی پھر ساری رات بیٹھ کر انہیں کرتے رہنا رانی نے ناک سکوڑتے دھمکی دی الحان نے بےزاری سے نظریں گھومائی اور واپس سے کام میں جٹ گیا۔جیسے کہنا چاہتا ہو دفع ہو جاؤ اور میرا سر نہ کھاؤ۔تم نے وعدہ کیا تھا الحان اصغر کہ تم اس ایگزیبیشن میں مجھے لےکر جاؤ گے اور ساتھ میں آئس کریم بھی کھلاؤ گے مگر اب تم اپنی بات سے مکر رہے ہو “رانی صاحبہ۔۔ کے ڈرامے شروع ہوگئے تھے الحان نے ترحم بھری نظروں سے اس کے نظر نہ آنے والے آنسوؤں کو دیکھا تھا جہاں نام و نشان تو نہیں تھا مگر میڈم صاحبہ کی سسکیاں اور آہیں عروج پر تھیں ” ۔اللّٰہ کرے تمھیں بلکل اماں کی طرح بیوی ملے جیسے وہ آج تک ابا کے ناک میں دم کیے آئی ہیں بلکل ویسے ہی تمھاری بیوی بھی تمھارے ناک میں دم کرے اس نے باقائدہ دعا کی طرح ہاتھ اٹھا کر بددعا دینا شروع کر دی تھی ” ۔کچھ اور مانگنا رہ گیا ہو تو وہ بھی دعا کر کے اپنی خواہش پوری کر لو میں تمھاری دعا ختم ہونے کے انتظار میں بیٹھا ہوں ٹیک یور ٹائم۔۔۔!!فائل کو بند کر کے سائڈ ٹیبل کی دراز میں رکھتے وہ پھیل کر کرسی کی پشت پر ٹیک لگا کر بیٹھتا طنزیہ گویا ہوا ” ۔مم۔۔ میں اپنے پیارے بھائی کےلیے ایسا بول سکتی ہوں بھلا میں تو یہ کہ رہی تھی کہ اللّٰہ پاک میرے راج دلارے بھائی کے نصیب میں چاند جیسی بیوی لکھ دے اس کی خشمگیں نظریں خود پر پڑتی دیکھ وہ پٹری بدل گئی ” ۔۔ہاں میں نے باغور تمھاری دعاؤں کو سنا ہے بہرحال چادر لے کر آؤ میں چچی کو بتا دوں پھر چلتے ہیں وہ بول کر چچی کے کمرے کی جانب بڑھ گیا تھا جبکہ رانی خوشی سے کھلکھلاتی چادر لینے بھاگی تھی” ۔
In Lamhon Ke Daman Mein by Romaisa Baloch Episode 5
