میں نے کہا تھا نہ جلدی چلتے ہیں دیکھا میرا ناول کوئی اور خرید کر لے گیا جب وہ دونوں اسٹال پہنچے تھے تو وہاں رانی کا مطلوبہ ناول آوٹ آف سٹاک تھا جسے سنتے اس کا منہ بری طرح سوجھ گیا تھا۔اچھا اب بس بھی کرو میں آفس سے ہوکر دوسری جگہ سے پتہ کروں گا مل جاۓ گا چلو آئس کریم کھاتے ہیں اسے رونے کی تیاری پکڑتے دیکھ الحان نے جلدی سے آفر کی ورنہ پیچ سڑک پر ہی محترمہ شروع ہوجاتی”۔ٹھیک ہے وہ بے دلی سے کہ کر اطراف میں نظریں دوڑاتی اس کے واپس آنے کا انتظار کرنے لگی۔واہ میرے لیے دو دو خرید کر لاۓ ہو اس کے ہاتھوں میں موجود تین آئس کریمز دیکھتے وہ خوشی سے کھلکھلائی وہ الگ بات تھی کہ اس کا گزارہ ان دونوں سے بھی نہیں ہونا تھا اسے چاہے جتنی لا کر دے دو اس کے لیے پھر بھی تھوڑی ہی شمار ہوتی تھی” ۔الحان اصغر تم ہو۔۔؟؟اس سے پہلے کے وہ کوئی بات کرتے اچانک الحان کو کسی کی جانی پہچانی آواز سماعت سے ٹکرائی وہ مڑ کر آواز کے تعاقب میں دیکھنے لگا جہاں حسن شیرازی ہشاش بشاش سا کھڑا مسکراتے ہوۓ اسے ہی دیکھ رہا تھا ” ۔کیسے ہیں آپ اور آنٹی کی طبعیت کیسی ہے اب۔۔؟؟دعا سلام کے بعد اسے حسن شیرازی کی ماں کا یاد آیا۔الحمد اللّٰہ۔ اب ٹھیک ہیں وہ وہ بول کر ایک نظر رانی کو دیکھنا لگا جو بڑی ہی رغبت سے آئس کریم سے لطف اندوز ہورہی تھی اور اسی چکر میں تھوڑی سی آئس کریم اس کی ناک پر بھی لگ گئی تھی جس سے وہ بےخبر نوش فرمانے میں مصروف تھی۔تبھی الحان کا فون گنگنایا تو وہ اس سے ایکسکیوز کرتا ان سے تھوڑے سے فاصلے پر جا کر کھڑا ہو گیا تھا۔جبکہ حسن شیرازی کی بےباک نگاہیں مسلسل اسے اپنی نظروں کے حصار میں لیے ہوۓ تھی۔گھر میں ماں، بہن اور بیوی نہیں ہے جو یوں غیر لڑکیوں کو تاڑے جارہے ہو۔۔؟؟رانی مسلسل نظروں کی تپش سے کسمساتی شرم کو بلاۓ طاق رکھتی غصے سے بولی۔الحمد اللّٰہ گھر میں ماں موجود ہے بہنیں بھی بہت سی ہیں مگر ایک عدد بیوی کی کمی بیشی ہے آپ اگر ہاں کریں تو آپ کو بیوی بنانے کا شرف مابدولت حاصل کرنا چاہتا ہے بازوں کو سینے پر باندھ کر بڑی ہی فرست سے اس کے چہرے کے بدلتے نقوش کو دیکھتا بےباک سے لہجے میں گویا ہوا ” ۔رانی کو اس کی بےباک سی بات پر پتنگے لگے۔بےشرم انسان تمھیں شرم نہیں آتی دوست کی بہن پر بری نظر ڈالتے ہوۓ آجانے دو الحان کو تمھاری اس سے درگت بنواتی ہوں سرکتی چادر کو صیح سے چہرے پر کرتی وہ برہمی سے بولی جبکہ وہ ڈھیٹھوں کی طرح کھڑا ویسے ہی مسکراۓ جارہا تھا ” ۔
In Lamhon Ke Daman Mein by Romaisa Baloch Episode 5
