صبح کا سُورج ہر سو اپنی روشن کرنیں پھیلا چکا تھا۔وہ بھاری ہوتے سر کے ساتھ، اٹھی تو اسے محسوس ہوا کہ وہ اس وقت بیڈ پر موجود تھی،دماغ پر زور ڈالا تو یاد آیا کہ وہ تو اپنی دوست کے ساتھ ڈسکو گئی تھی۔
’’افف!یہ مجھے کیا ہورہا ہے۔۔‘‘
اُس کا دماغ ابھی تک گھوم رہا تھا۔
’’یہ لو!یہ پیو اچھا محسوس کُروگی؟‘‘
حیا نے چونک کر سر اٹھایا تو نگاہ مقابل کھڑے خوبصورت
سے نوجوان سے جا ملی تھی۔جو اس وقت ٹراؤزر شرٹ میں ملبوس تھا،گھنے بال ماتھے پر بکھرے پڑے تھے۔
کسرتی جسامت پولو کی شرٹ میں واضح تھی۔
’’گھور لیا مجھے۔اب یہ پی لو۔۔‘‘فارس نے جتا کر کہا تو وہ گڑبڑا کر ہوش میں آئی۔
’’کون ہو تم؟میں کہاں ہوں؟‘‘
اس نے بھاری ہوتے سر کے ساتھ دماغ پر زور ڈالا تھا۔۔
’’تم اس وقت میری قید میں ہو،اور اب ہمیشہ اس قید میں ہی رہو گی۔۔‘‘
بیڈ پر ایک گھٹنہ ٹکاتا ، وہ ذرا نزدیک جھکا،حیا سہم کر پیچھے ہوئی تھی۔۔
’’میں یہاں کیسے؟کون ہو تم؟پلیز مجھے جانے دو۔۔‘‘اس نے ہوش میں آتے نگاہ دوڑائی تو وہ کوئی انجانی سی جگہ تھی،سامنے کھڑا اجنبی شخص کوئی خواب نہیں حقیقت تھا۔
’’آہاں،ایسے کیسے۔۔‘‘وہ مزید اس پر جھکتا،
اپنے لب اسکے رخسار پر رکھ گیا تھا۔۔
’’نہیں پلیز!میں ایسی ویسی لڑکی نہیں ہوں۔۔‘‘
حیا نے اپنا بچاؤ کرنے کی خاطر خود پر نگاہ دوڑائی تو محسوس ہوا کہ وہ اس وقت جینز کی پینٹ کے ساتھ کمر تک آتا اسٹائلش سا ٹاپ پہنے غیر مناسب حالت میں اس کے سامنے موجود تھی۔۔
’’تم کیسی لڑکی ہو اس بات کا آندازہ تو مجھے رات میں ہی ہوگیا تھا۔۔خیر جلدی سے ناشتہ کرلو،جب تک میں ہمارے نکاح کا انتظام کرلیتا ہوں سوئیٹ ہارٹ!‘‘
حیا کو چار سو والٹ کا زبردست جھٹکا لگا تھا۔۔
’’یہ۔۔۔۔یہ کیا بکواس ہے۔کون ہو تم؟اور میرے ساتھ کیا کرنا چاہتے ہوَکیوں لائے ہو یہاں پر؟‘‘
وہ یکدم جذباتی ہوتی، بیڈ سے اٹھ کر بھاگنے کے لئے دوسری جانب سے اتری تھی۔
’’ کوشش بے کار ہے،ا س گھر کے باہر میرے ہزاروں گارڈز
کھڑے ہیں،تم چاہ کر بھی یہاں سے نہیں بھاگ سکتیں۔۔‘‘
وہ گھوم کر بیڈ پر پاؤں پسار کر لیٹتا زو معنی لہجے
میں بولا تھا۔
’’کیا چاہتے ہو مجھ سے؟‘‘وہ خوف زد ہ ہوئی۔
’’یہاں تمہاری موجودگی چاہتا ہوں۔‘‘
وہ بے باکی سے اپنے پہلو میں ہاتھ دھر کر بولا
حیا کا چہرہ سُرخ پڑ گیا تھا۔
’’شٹ اپ!میں تمہیں تمہارے ارادوں میں کامیاب نہیں ہونے دونگی۔۔‘‘وہ چنگھاڑی۔۔
’’اوہ رئیلی!!!
شکر مانو کہ تم جیسی بے حیا سے نکاح کر رہا ہوں،
ورنہ تمہیں اس جگہ لانا میرے لئے مشکل بات نہیں ہے۔‘‘
وہ ایک ہی جست میں اُسکے نزدیک پہنچتا،درشتگی
سے غرایا تو حیا کی آنکھوں میں آنسو آگئے۔
’’تم جو کوئی بھی ہو،پلیز مجھے یہاں سے جانے دو۔‘‘وہ آنسوؤں سے رُوتی،اُسکے آگے ہاتھ جوڑ چکی تھی۔
’’ضرور جانے دونگا،مگر میرا مقصد پورا ہونے کے بعد!چپ چاپ سے نکاح کے لئے ہامی بھر دینا،ورنہ یاد رکھنا،مجھ سے برا کوئی نہیں ہوگا۔۔‘‘
وہ انگشت شہادت اٹھا کر تنبیہ لہجے میں بولا تو اسکی آنکھوں سے تواتر سے آنسو بہہ پڑے تھے۔۔
’’یا اللہ یہ کیسی آزمائش ہے۔‘‘
وہ سسکیوں اور ہچکیوں سے ُرو پڑی تھی۔
۔۔۔۔۔۔۔۔۔۔۔۔۔۔۔۔۔
جاری ہے
