پرچہ بھر کر پارٹی میٹنگ میں شرکت کرنے کے لئے ان کی گاڑیاں آگے پیچھے راجیندر سنگھ کے بنگلے میں داخل ہوئیں۔چار گارڈ کی گاڑیاں تھی جبکہ اس کی گاڑی میں درمیان والی سیٹ پر اس کے ساتھ ہی سنجیدہ چہرہ لیے وہ بیٹھی ہوئی تھی۔ درمیان میں لیپ ٹاپ اور کچھ فائل رکھی تھیں۔۔
وہ چاہتا تو گارڈ کی گاڑیوں میں اسے بیٹھنے کو کہہ دیتا لیکن نجانے کیوں اس کے دل نے گوارا نہیں کیا تھا کہ ایک تنہا لڑکی کو اتنے لوگوں میں بیٹھا دیتا اور کچھ نانو کی تاکید تھی کہ اسے اپنے ساتھ رکھنا۔۔
گاڑی سے اتر کر جب وہ اندر بڑھنے لگا تو وہ بھی اس کے ساتھ تھی۔ باقی گارڈ لان میں ہی رک رہے تھے لیکن وہ ساتھ تھی جب جمیل ان کی طرف آیا۔۔
“سر سب لوگ آچکے ہیں آپ اندر چلیں۔۔!!” اس کی نظر ابھی اس دوشیزہ پر نہیں پڑی تھی لیکن اچانک اسے ایک خوبصورت لڑکی نظر آئی جو اس کے سر کے ساتھ ہی اتری تھی۔ اس نے سوالیہ نظروں سے اسے دیکھ کر اس بےنیاز شخص کی طرف دیکھا جیسے پوچھ رہا ہو کہ یہ کون ہے۔۔؟
“اندر چل کر بیٹھیں۔۔!!” وہ اسے لاؤنج میں لگے صوفے کی طرف اشارہ کرتے ہوئے کہا جس پر وہ اثبات میں سر ہلاتے جا کر بیٹھ گئی کیونکہ اسے معلوم تھا کہ اندر جانے کی اجازت کسی کو نہیں ہے۔۔
“نانو نے میرے لئے ہائر کیا ہے۔ پرسنل باڈی گارڈ۔۔!!” چند لفظ بول کر وہ میٹنگ کے لئے اندر چلا گیا۔ جمیل اس لڑکی کے پاس چلا آیا۔۔
“السلام وعلیکم، کیسی ہیں آپ۔۔؟ میں سر کا سیکریٹری ہوں۔۔!!” وہ اپنا تعارف کروا کر اسے دیکھ رہا تھا جس نے سلام کا جواب دیا بھی تھا یا نہیں کیونکہ اس نے ایک بار بھی نظر اٹھا کر دیکھنا تو دور ایک جنبش بھی نہیں کی، جمیل کو اس لڑکی کے کٹھور پن پر حیرت ہوئی کیونکہ آج تک اس نے صنف نازک کو اس طرح نہیں دیکھا تھا۔ اس کے نہ بولنے پر وہ کندھے اچکا کر کھڑا ہو گیا۔۔
“باڈی گارڈ کی جگہ لان میں ہے اس لیے مجھے لگتا ہے کہ تمہیں بھی وہیں جانا چاہیے۔ انسان کو کبھی بھی اپنی اوقات نہیں بھولنا چاہیے۔۔!!” اس کی طنز میں ڈوبی ہوئی آواز سن کر وہ اٹھ کر باہر نکل گئی جبکہ جمیل کے دل کو نجانے کیوں سکون محسوس ہوا۔۔
“ہنہہ۔۔! مجھے ایٹی ٹیوڈ دکھا رہی تھی۔۔!!” کندھے اچکا کر آگے بڑھ گیا۔۔
٭٭٭٭٭٭٭٭
Tamseel Episode 3
