Ankahi Muhabbat By Pakeeza Maaz

ناراض ہو وہ اس کی طرف سے کوئی جواب نہ پا کر بولی تھی ۔ نہیں میں آپ سے بھلہ کیوں ناراض ہونے لگی وہ کہتی ایک بار پھر باہر تیزی سے گزرتے منظر دیکھنے لگی۔ لیکن میں ناراض ہوں وہ کہہ کر خاموش ہوا تو مروہ نے کوئی جواب نہ دیا ۔ پوچھو گی نہیں کیوں وہ ایک بار پھر اسے محاطب کرنے لگا تو مروہ نے احسان کرنے والے انداز میں وجہ پوچھی۔تم مجھے پہچان گئی تھی تو بتایا کیوں نہیں وہ شکوہ کرتے اس سے کہہ رہا تھا ۔جب آپ خود ہی پہچان نہیں سکے تو میں نے بتانا ضروری نہیں سمجھا وہ اپنے لہجے کا شکوہ چھپا کر بولی تھی ۔ مروہ میں جانتا ہوں تھیں میرا نہ پہچاننا بہت برا لگا لیکن تم بہت بدل چکی ہو سکول لائف میں تمھارا وہ لاپرواہ سا لڑکوں والا حلیہ تھا جسے اب تم ایک خوبصورت مشرقی لڑکی کے حلیے میں ڈھال چکی ہو اور ویسے بھی میں نے سوچا تھا کہ جب بھی کبھی تم مجھے ملو گی بالکل پہلے کی طرح ملو گی مجھ سے ہزاروں باتیں کرو گی لیکن میں نے کبھی سوچا بھی نہیں تھا کہ تمھیں کبھی ایسے دیکھوں گا اب تم ہی مجھے بتاؤ کے میں کیسے تمھیں پہچانتا وہ وضاحت دے کر بولا تو اس کی باتوں پر وہ تلخی سے مسکرانے لگی۔ مروہ تم ہر لحاظ سے بدل چکی ہو نہ تمھاری وہ پہلے سی باتیں ہیں نہ شرارتیں تمھیں یوں خاموشی کا لبادہ اوڑھے دیکھ کر مجھے بہت تکلیف پہنچی ہے وہ اس کو افسردہ لہجے میں بتا رہا تھا جب کہ سوزین اور عائزہ اب بھی اپنی نہ ختم ہونے والی کہانیوں میں مصروف تھیں ۔ کچھ ہی دیر میں وہ لوگ ریسٹورنٹ میں پہنچ چکے تھے اس وقت وہ ناشتے کا آرڈر دیے ہلکی پھلکی باتوں کے ساتھ ناشتے کا انتظار بھی کر رہے تھے ۔ حاشر کوئی بات مروہ سے کرتا تو وہ اس کی بات کا جواب دے کر خاموش ہو جاتی جبکہ اب وہ سوزین اور عائزہ کے ساتھ باتوں میں مشغول تھا جب ویٹر ناشتہ ان کی ٹیبل پر لگانے لگا۔ وہ سب ناشتہ لگنے کے بعد ناشتے میں مصروف تھے جب حاشر کا دھیان کب سے چائے کے کپ میں چمچ چلاتی مروہ پر گیا تھا تم ناشتہ کیوں نہیں کر رہی وہ مروہ کے سامنے رکھی خالی پلیٹ کو دیکھ کر پوچھ رہا تھا ۔ مجھے بھوک نہیں ہے وہ کہتی سر جھکا گئی اگر تم نے مجھے معاف کر دیا ہے اور تم مجھ سے ناراض بھی نہیں ہو تو پلیز کچھ تھوڑا سا کھا لو وہ اس سے ریکوئسٹ کرتے ہوئے بولا تھا۔ جب کہ اس کی باتوں کو سن کر مروہ نہ چاہتے ہوئے بھی کہ لبوں سے لگا گئی تھی ۔ بچوں پارک چلنا ہے حاشر سوزین اور عائزہ کو دیکھتا پوچھ رہا تھا ۔ یسس اُن دونوں نے جوش سے گردن اوپر نیچے ہلاتے کہا تھا ۔ لیکن جیسے ہی ان کی نظر سامنے بیٹھی مروہ پر گئی تو ان کی خوشی مانند پڑ گئی تھی وہ انگلی اور ہاتھ کے اشارے سے سوزین کو منع کر رہی تھی ۔ پلیز ماما مان جائیں نہ سوزین نر روہانسی لہجے میں کہا تھا آنٹی مان جائیں نہ عائزہ نے بھی چہرے پر اداسی طاری کرتے ہوئے کہا تھا۔ ہاں مروہ بچوں کی خوشی کے لیے مان جاؤ حاشر نے بھی سفارش کی تو وہ ہممم کہ کر ان تینوں کو دیکھتی سر ہلانے لگی تھی وہ جانتی تھی کہ سوزین کو حاشر کے ساتھ باہر جانا باتیں کرنا خوش کر دیتا ہے اس کی خوشی کہ لیے وہ مان چکی تھی ورنہ اس شخص کے ساتھ وہ ہرگز وقت گزارنا نہیں چاہتی تھی وہ نہیں چاہتی تھی کہ وہ اس کے ساتھ وقت گزارے اور وہ اس کے جذبات اور احساسات کو جان جائے۔ دس منٹ کی ڈرائیو پر وہ لوگ پارک میں پہنچ چکے تھے اس وقت وہ پارک میں سیمنٹ سے بنے ایک بنچ پر بیٹھی ان تینوں کو فٹبال کھیلتے دیکھ رہی تھی پارک میں زیادہ رش نہیں تھا بہت کم لوگ اس وقت پارک میں موجود تھے کچھ ہی دیر میں حاشر اس کو اپنی طرف آتا دیکھائی دیا وہ اس کے پاس آ کر اس کے ساتھ بینچ پر بیٹھ چکا تھا ۔ میں جب پاکستان آیا تو تم لوگوں کے گھر گیا تھا وہاں سے مجھے پتہ چلا تم لوگ وہاں سے شفٹ کر چکے ہو وہ اس کے چہرے پر نظریں جمائے بول رہا تھا ۔ ہاں محراب بھائی کی ڈیتھ کے بعد ہم نے وہ گھر چھوڑ دیا وہ گردن موڑ کر کہہ رہی تھی ۔ بہت افسوس ہوا مجھے محراب بھائی کی ڈیتھ کاسن کر وہ اب بھی اس کا چہرہ دیکھتے بولا تھا ۔ ہاں ہم نے تو کبھی سوچا بھی نہیں تھا کہ یوں اچانک اتنی جلدی محراب بھائی ہمیں چھوڑ کر چلے جائیں گے وہ افسردگی سے کہتی دور کچھ ہی فاصلے پر کھیلتی سوزین کو دیکھ رہی تھی ۔ اللہ تعالیٰ کی مرضی کے آگے انسان بے بس ہے تم صبر کرو وہ اسے تسلی دیتا بول رہا تھا ۔ویسے تمھارے ہسبینڈ کو کیا ہوا تھا ؟ آئے مین عائزہ نے بتایا تھا کہ سوزین کے بابا کی ڈیتھ ہو چکی وہ اس کے چہرے کے اتار چڑھاؤ کو دیکھتا پوچھ رہا تھا وہ حیرت سے آنکھیں کھولے اسے دیکھ رہی تھی یعنی وہ سوزین کو سچ میں اس کی بیٹی سمجھ رہا تھا وہ اس کا چہرہ دیکھتی پوچھ رہی تھی ۔ چھوڑو یہ باتیں مائدہ کیسی ہے وہ بامشکل چہرے پر خوشی سجائے پوچھ رہی تھی ۔ ٹھیک ہے آج کل اپنی شوہر کے ساتھ کینیڈا گئی ہوئی ہے اور تمھیں پتہ ہے اس کا ایک بیٹا بھی ہے اتنا کیوٹ ہے نہ وہ بھی بالکل سوزین کی طرح وہ محبت سے کہتا اسے بتا رہا تھا ۔ شوہر ؟ بیٹا؟ وہ ایک بار پھر حیرت سے اسے دیکھتی پوچھ رہی تھی ۔ ہاں شوہر اور بیٹا لیکن تم کیوں اتنی حیران ہو گئ وہ اسے یوں حیرت میں مبتلا دیکھ کر پوچھنے لگا ۔ مائدہ کی شادی تو تم سے نہیں ہونی تھی کنفیوز سی ہو کر حاشر سے پوچھنے لگی۔ واٹ میری اور مائدہ کی شادی تم سے کس نے کہا یہ وہ قہقہ لگاتا اسے دیکھ کر پوچھ رہا تھا ۔ جب تم لوگ لندن میں تھے اور میں نے تمھاری برتھ ڈے پر تمھارے نمبر پر تمہیں ویش کرنے کے لیے کال کی تھی تو مائدہ نے کال اٹینڈ کی اور مجھے بتایا کہ اس نے تمھارے لیے برتھڈے پارٹی ارینج کی ہے اور وہ تمھیں تمھاری پارٹی پر ویش بھی کرنے والی ہے وہ اس کو ڈیٹل بتا رہی تھی ۔ ہاں اس نے مجھے پرپوز کیا تھا لیکن میں نے اسے بتایا کہ ابھی میرا فوکس سٹڈیز پر ہے اور میرے دل میں اسے لے کر کوئی فیلنگز نہیں ہیں ۔ پھر کچھ دن بعد اس نے مجھے اپنے کزن سے ملوایا اور ساتھ بتایا کہ بہت جلد وہ لوگ شادی کرنے والے ہیں اور پھر کچھ ہی ماہ میں ان دونوں کی شادی بھی ہو گئ وہ اسے ساری بات بتا کر اس کے ایکپریشنز دیکھنے لگا۔ ویسے میں اب سمجھا تم نے اسی لیے جیلس ہو کر مجھ بلاک کردیا اور اپنا نمبر بھی چینج کر لیا تھا وہ شرارت سے کہتا اس کی طرف دیکھ رہا تھا۔ جی نہیں وہ منہ بسور کر گردن موڑ چکی تھی ۔ وہ اس کا ہاتھ تھام کر اسے کا چہرہ اپنی طرف کر چکا تھا ۔ مروہ میں تمھیں ہمیشہ خوش دیکھنا چاہتا ہوں میں چاہتا ہوں تم ہمیشہ ہنستی مسکراتی رہو وہ اس کی آنکھوں میں دیکھتے بول رہا تھا ۔ میں خوش ہوں وہ اس سے ہاتھ چھڑوا کر بولی تھی ۔ اچھا!! وہ دونوں بازو فولڈ کرتا اس سے پوچھ رہا تھا۔ جیییی وہ زور دے کر بولی تھی ۔ تب ہی حاشر بنچ سے اٹھتا اس کے پاس نیچے بیٹھ چکا تھا مروہ میں تم سے شادی کرنا چاہتا ہوں ویل یو پلیز میری می وہ ایک بار پھر مروہ کو حیرت میں ڈال چکا تھا دیکھو مروہ سوزین کو بھی ایک باپ کی ضرورت ہے اور تمھیں ایک شوہر کی جو تم سے محبت کرے تمھاری مشکلوں کو دور کرے یہ دنیا بہت ظالم ہے مروہ یہاں ایک اکیلی عورت کا زندگی گزارنا بہت مشکل ہے وہ ناجانے ابھی کیا کیا کہہ رہا تھا کہ مروہ آٹھ کھڑی ہوئی ۔ میرے خیال سے اب ہمیں گھر چلنا چاہیے بہت وقت ہو چکا ہے اور امی بھی ہمارا انتظار کر رہی ہونگی وہ کہتی گاڑی کی جانب بڑھی تھی حاشر بھی سوزین اور عائزہ کو لیے باہر کی جانب بڑھا تھا ۔ واپسی میں سارے راستے ان دونوں میں کوئی بات نہیں ہوئی تھی ۔سوچ لو پھر میری بات کا جواب دینا میں تمھارے جواب کا انتظار کروں گا اس کے گھر کے آگے روکتا وہ اس کے ہاتھ سے موبائل لے کر اس میں اپنا نمبر سیو کرتا بولا تھا ۔ وہ خاموشی سے اتر کر موبائل اس کے ہاتھ سے لیتی سوزین کا ہاتھ تھام کر اندر بڑھی تھی