فرحت بیگم کو تو لگا اُنکی دنیا گھوم گئی ہوں ماہ رُخ نے اِتنا بڑا فیصلہ کیا اور ماہ رُخ فوراً سے ماں کے پاس گئی اور اُنہیں اپنے ساتھ لے کر بستر پر بٹھایا اور خود اُنکے قدموں میں بیٹھ گئی امی یہ فیصلہ کرنا بہت ضروری تھا پر میں جانتی ہوں کہ میں نے بہت غلط کیا ہے مجھے آپ کو سب کچھ بتا دیتی تو آپ کبھی مجھے نہیں جانے دیتی اور میرا جانا بہت ضروری ہے اگر میں چلی جاؤنگی تو سب کے مستقبل سنور جائینگے امی ابا کے علاج کے لئیے ہمیں بہت پیسوں کی ضرورت ہے اور آپ بھی جانتی ہیں کہ یہاں رہ کر ہم سب مل کر کمائینگے تو بھی صرف گھر کے اخراجات اور اِن لوگوں کو پڑھائی کے خرچے ہی پورے ہوسکیں گے ابا کا علاج کیسے ممکن ہوگا اور میں باپ کو اِس حال میں نہیں دیکھ سکتی جب اللہ مجھے موقع دے رہا ہے تو مجھے جانے دیں امی۔
کب سے چُپ فرحت بیگم نے اپنی بڑی بیٹی کو دیکھا وہ جانتی تھی کہ وہ پہلے ہی بہت حساس اور ذمہ دار ہے پر وہ یہ نہیں جانتی تھی کو وہ وقت سے پہلے ہی اتنی بڑی ہو جائیگی کہ اپنے پورے گھر کی ذمہ داری اپنے نازک کندھوں پر لے لیگی ماہ رُخ میری بچی اُنہوں نے اُس کا ہاتھ پکڑ کر اپنے برابر میں بٹھایا اور اُس کے بال اپنے ہاتھوں سے سنوارے بیٹا پر تمہارے خواب تمہاری اسپیشلائزیشن امی اگر اللہ نے میری قسمت میں لکھا ہوگا تو میں اپنے سارے خواب پورے کرلونگی اور اگر نہیں تو کچھ بھی ہوجائے میں نہیں کرپاؤنگی میں نے ہمیشہ آپ سے اور بابا سے کہا ہے کہ میں اللہ کی رضا میں راضی ہونا چاہتی ہوں کیونکہ جب میں اُس کی رضا میں راضی رہونگی تو وہ مجھے بہترین سے نوازے گا۔
اِن شاءاللہ ایک ساتھ سب نے کہا
رمشاء اور فرح تم دونوں کو امی اور بابا کا بہت خیال رکھنا ہے
بیٹا پر تم وہاں اکیلے کیسے رہوگی امی اب بہت سے لوگ ہیں جو اکیلے رہتے ہیں آپ پریشان نہیں ہوں ویسے بھی مجھے احمر نے کہا ہے کہ اُس نے ایک فلیٹ دیکھا ہے جہاں کچھ لڑکیاں رہتی ہیں پر وہ انڈین ہے اُن کے پاس جگہ ہے اور رینٹ بھی کم لے رہی ہیں تو اُس نے اُن سے بات کرلی ہے کہ میں شیرنگ پر اُن کے ساتھ رہونگی اور بیٹا اِن سب کے پیسے امی یہ سب احمر اور صدف مل کر رہے ہیں اُنہوں نے مجھے سے کہا ہے میں پریشان نہ ہو وہ مینج کرلینگے پر بس ایک دفعہ میں چلی جاؤ میں میں اِن دونوں کا سارا قرض واپس کردونگی یہ دو دوست بھی تو اللہ کی طرف سے میرے لیے انعام ہی ہیں نہ امی
بے شک بیٹا۔
۔۔۔۔۔۔۔۔۔۔۔*۔۔۔۔۔۔۔۔*۔۔۔۔
