الیکزینڈر غزنوی، نے اپنی ساحرانہ شخصیت کے ساتھ آفس میں قدم رکھا۔ ذہن میں ابھی تک نورا ملک کی کل کی باتیں گردش کر رہی تھیں، اس کے چہرے پر ایک ہلکی سی مسکراہٹ تھی، جیسے وہ ابھی تک نورا کی جرات اور چیلنج کو ہضم کرنے کی کوشش کر رہا ہو۔
ماربل کے چمچماتے فرش پر اس کے بوٹ کی آواز ٹک ٹک کر کے پورے ہال میں گونجنے لگی۔ سیکنڈ فلور میں پہنچ کر اس کی نظر بائیں جانب کو اٹھیں جہاں نورا، ہمیشہ کی طرح، اپنے کام میں مگن تھی۔ اس کا چہرہ سنجیدہ تھا اور وہ اپنی میز پر کچھ دستاویزات پر نظر ڈال رہی تھی۔
سر کو جھٹک وہ اب کائد غزنوی کے ساتھ بنے ایک روم میں داخل ہوا ، جو خاص الیکزینڈر کے لئے بنایا گیا تھا۔
اس نے ایک نظر کمرے کی فضا پر ڈالی، پھر رولنگ چئیر کی جانب بڑھا۔ اس کے قدم ہر گزرتے لمحے کے ساتھ پختہ ہوتے گئے۔
”اس کرسی پر بیٹھ جانے سے کوئی باس نہیں بن جاتا“۔۔۔۔ نورا کے جملے ایک بار پھر سے کانوں میں گونجنے لگے وہ تمسخر سا مسکراتا کرسی پر بیٹھا اور پھر انٹر کام اٹھائے نورا کو اندر بھیجنے کا حکم دیا۔
تقریباً دو منٹ بعد ہی وہ اسکے روم میں موجود تھی۔ اس کے بالکل سامنے عادت کے مطابق ایک ہاتھ میں بال پوائنٹ تھامے ، الیکزینڈر کے بولنے کی منتظر تھی۔
“مس ملک۔۔۔۔” مجھ پر ایک آرٹیکل لکھنا ہے جو کہ ہمارے میگزین کے پہلے صفحے پر شائع کیا جائیگا، تا کہ لوگ جان جائیں کہ الیکزینڈر غزنوی پورے اصولوں کے ساتھ اس آفس کو جوائین کر چکا ہے ، ورنہ لوگوں کو غلط فہمی ہو جاتی ہے کمپنی کے مالک کو ہی پلمبر سمجھ بیٹھنے کی“۔۔
ساری بات سنجیدگی سے کہتے آخر میں طنز کیا جس پر نورا نے کوئی خاص تاثر نہ دیا۔
”مگر یہ میرا کام نہیں ہے“۔۔۔ سہولت سے انکار کر دیا گیا جس پر الیکزینڈر نے ابرو اچکاتے اس کی جانب دیکھا۔
”میں کچھ نہیں جانتا ، میں آپ کا سینئر ہوں ، یہ میرا حکم ہے اس لئے اب کچھ بھی کر کے اسے مکمل کریں اور ہاں ، کل تک یہ آرٹیکل مجھے مکمل چاہیے۔
مگر۔۔۔۔!! اس نے احتجاج کرنا چاہا جسے وہ بیچ میں ہی روک گیا۔
مس ملک۔۔۔ آپ نے ایک آرٹیکل لکھنا ہے ، جس میں الیکزینڈر غزنوی کی تعریف بیان کی جائیگی۔
صاف صاف بولیں کہ جھوٹ لکھنا ہے۔۔۔۔وہ خاصا تپ کر بولی ، البتہ اس کے جواب پر ، الیکزینڈر نے گھور پر اسے دیکھا جو بول کر ایسے معصوم بن گئی تھی جیسے کچھ کہا ہی نہ ہو۔
❤️😂
نورا نے آفس کی چمچماتی کرسی پر بیٹھتے ہوئے ایک طویل سانس لی اور سائیڈ پر موجود پیڈ اٹھاتے اس پر کچھ لکھنے کی کوشش کرنے لگی۔ ذہن میں کچھ خاص نہ تھا، بس وہ سب کچھ لکھنے کی کوشش کرنے لگی جو الیکزینڈر نے کہا تھا۔
“کیا مصیبت ہے یار“۔۔۔۔ اینٹرئیر ڈیزائنر ہوں اور یہاں یہ مجھے رائٹر بنانے پر تلے ہوئے ہیں۔
پین کو پیڈ پر پٹخ کر تپ کر بولی۔
ہنہہ ، آرٹیکل لکھو ان ماہان شخص پر ، جیسے آفس جوائین کر کے ہماری زندگیوں پر احسان کیا ہے اور۔۔۔۔۔ روانگی سے کہتی وہ رکی، اچانک سے زہن میں ایک خیال آیا جو اس کے لبوں پر تبسم بکھیرنے کا باعث بنا۔۔۔۔
پین کو دوبارہ سے پکڑ کر قرطاس پر اس نے اپنی انگلیاں چلائیں اور ایک نیا پیراگراف شروع کیا۔
“الیکزینڈر غزنوی کی شخصیت ایسی ہے جیسے ایک قلعے کے دروازے کی چمچماتی چابی، جو کھولنے سے زیادہ بند کرنے کا کام کرتی ہو۔
ان کی ذہانت کی تو بات ہی نہ کی جائے ، کیونکہ ذہانت میں تو یہ لومڑی کو بھی پیچھے چھوڑ دیں۔
نورا نے لب دبائے اپنے تخلیق کردہ جملوں کو دیکھا اور آگے مزید لکھنا شروع کیا ، تقریباً تین گھنٹے کی محنت کے بعد جملوں کو توڑ موڑ کر اس نے یہ ماہان آرٹیکل تیار کیا تھا جسے اب وہ وقت سے پہلے ہی الیکزینڈر کو پیش کرنے جا رہی تھی۔
🤌❤️
الیکزینڈر غزنوی کی قابلیت کی تو بات ہی نہ کرو وہ ، ایک جادوگر ہونے کا کام انجام دے سکتے ہیں ، کیونکہ ایک انٹیریئر ڈیزائنر کو سیکنڈوں میں رائٹر بنا سکتے ہیں۔۔۔۔
اس جملے کو پڑھتے الیکزینڈر نے کھا جانے والی نظروں سے نورا کو دیکھا جو انجان بنی روم کو دیکھنے میں محو تھی۔
“ان کے کپڑے ایسے ہیں کہ اگر کوئی اور دیکھ لے تو یہی سمجھے کہ وہ آفس کے بجائے بائیک ریسنگ میں آئے ہیں ، اور ان کے بگڑے ہوئے بال ایسے ہیں جیسے صبح کی دھوپ میں پڑے ہوئے سنہری ریت کے ذرے، جو کسی آندھی کے باعث بکھر گئے ہوں لیکن بے ترتیب رہ کر بھی اپنی شان بڑھاتے ہیں کیونکہ وہ الیکزینڈر غزنوی کے بال جو ہیں۔
مس ملک۔۔۔۔ واٹ نان سینس ؟ یہ آرٹیکل ہے یا ، آرٹیکل کے بھیس میں چھپی بے عزتی
پیپر پیڈ کو ٹیبل پر پٹخ کو وہ غصے میں بولا ، وہ جو اسے زیچ کرنا چاہتا تھا نورا کے عمل سے خود تپ کر رہ گیا۔
نورا نے اس کی بات سن پر لب دبائے اپنے اندر کی ہنسی کو روکنے کی کوشش کی جو اس کے تاثرات دیکھ کر امڈ آنے کو تیار بیٹھی تھی۔
الیکزینڈر نے اس کو مسکراہٹ روکتے دیکھ دوبارہ وہ پیڈ اٹھایا اور اس میں لکھے جملے دوہرانے لگا۔
یہ کیا لکھا ہے , کہ ” الیکزینڈر غزنوی کا رنگ اتنا گورا ہے کہ جہاں اندھیرا ہو وہاں انہیں لے جایا جاتا ہے تا کہ بلب کا کام انجام دیا جا سکے, دنیا میں جب الیکزینڈر جیسے لوگ موجود ہیں تو اڈیسن تھامس کی ایجاد بیکار ہے ، بلب ایجاد کر کے ان نے فضول میں اپنا وقت ضائع کیا۔۔۔
یہ ہے کیا یہ ؟ کوئی سینس ہے اس جملے کی ؟
اب الیکزینڈر کی بس ہوئی تھی۔
”تو جب آپ درزی سے جوتے سینے کا کہیں گے تو ایسا ہی ہو گا, میں پہلے ہی کہہ چکی تھی کہ یہ آرٹیکل وغیرہ لکھنا میرے کام کا حصہ نہیں ہے“۔۔
وہ بے خوفی کے عالم میں کھڑی اس کی آنکھوں میں دیکھ ٹھنڈے لہجے میں بولی جب کہ الیکزینڈر نے ضبط سے اس لڑکی کو دیکھا جو آج پھر اسے اچھا خاصا تپا گئی۔
جائیں آپ یہاں سے۔۔۔۔ ماتھے پر بل سجائے کہتا خود وہ کھڑکی کی جانب بڑھ گیا اور نورا نے اپنے قدم باہر کی جانب لیے ، اپنے آفس میں آ کر وہ دل کھول کر ہنسی تھی۔ آج الیکزینڈر کی شکل اس کا ریکشن دیکھ کر اس کے دل کو ٹھنڈک سی پڑی۔
جاری ہے
