Matlab Parast By Wrda Jaffery

یہ سمجھتی کیا ہے خود کو اسے سبق سکھانا پڑیگا۔”عدالتی نوٹس پڑھنے کے بعد ارباز لاشاری کا دماغ گھوم کر رہ گیا تھا۔ اگلے ہی لمحے رومانا کو سبق سکھانے کی حکمت عملی تیار کرتا وہ ایک شیطانی منصوبے کی بنیاد رکھ چکا تھا۔”جی مالک۔۔”اس کی تمام تر ہدایات پر سر جھکاتا ملازم واپس حویلی سے نکل گیا تھا۔ زبیر معمول کے مطابق شہر کے گشت پر نکلا تھا تبھی نظر خالی سڑک پر اپنی گاڑی کا معائنہ کرتی رومانہ حمید پر گئی جو ہمیشہ کی طرح غصہ ناک پر سجائے ہوئے تھی۔”یہ تو وہی مس مصیبت ہے۔۔۔اکیلی ہے مگر یہ اکیلی ہی سو پر بھاری ہے۔۔”اپنی پولیس وین کی پہلی نشست سے اترتا اس کی طرف چلا تھا۔”نیڈ اینی ہیلپ؟”اسے بغیر یونیفارم کے سیاہ جینس پر سفید بٹن شرط میں ملبوس دیکھ کر رومانا نے ناک چڑھائی تھی۔”نو تھینکس۔”اسے نظر انداز کرتی وہ واپس کھلی گاڑی کی طرف متوجہ ہوئی تھی۔”میں چیک۔۔”زبیر نے دو قدم جھجھک کر اٹھاتے ہوئے پیشکش کی تھی۔”میں نے گھر سے ڈرائیور کو بلا لیا ہے شکریہ۔”اپنے ریشمی بالوں کا جوڑا بناکر اس نے کیچر میں انھیں قید کیا تھا۔زبان لاکھ تلخ سہی چہرہ بلا کی معصومت سے مالامال تھا۔”شکریہ کیسا ہمارا تو فرض ہے آپ کی حفاظت کرنا۔”اسے پیچھے ہٹنے کا اشارہ کرتا وہ گاڑی کا معائنہ کرنے جھکا تھا۔”میں اپنی حفاظت خود کرسکتی ہوں مسٹر۔۔”وہ پُر کوفت ہوئی تھی۔”زبیر حسن۔۔”اس نے سر اٹھا کر مسکراتے ہوئے کہا۔”وٹ ایوّر آپ جاسکتے ہیں۔۔”اس نے بدلحاظی سے جواب دیا۔”شیور۔۔”دور تیز رفتار بائیک پر دو ماسک میں چہرہ چھپائے افراد کو دیکھتے ہی زبیر خطرہ بھانپ گیا تھا۔”اہ۔۔”دو ہی لمحوں میں اس نے عینی کا بازو کھینچتے ہوئے اسے اپنے حصار میں چھپا کر پشت دوسری طرف کی تو ایک کانچ کی بوتل اس کی کمر سے سے ٹکرا کر ٹکرے ٹکرے ہوئی تھی جس کی آواز سنتے ہی وہ چیخ پڑی تھی۔”آپ ٹھیک ہیں؟”اسے خود سے دور کرتے وہ بھی پریشان ہوا تھا۔”جی۔۔”اس کا چہرہ خوف سے بےرنگ ہوا تھا۔”آپ کو تو۔۔”عینی نے نظر جھکائی تو اس کی سفید بٹن شرٹ سے بہتا خون سڑک پر گرنے لگا تھا۔”تیزاب نہیں تھا صرف دھمکی تھی۔۔”اس کے چہرے سے درد واضح ہو رہا تھا۔اگلے ہی لمحے اس کی ایک کال پر پیٹی بھائیوں کی آدھا درجن ٹولی وہاں آن دھمکی تھی۔”خطرے کی کوئی بات نہیں ہے کانچ کے ٹکرے نکال دیے ہیں۔۔” آپریشن تھیٹر سے نکلتے ڈاکٹر نے عینی کو تسلی بخش جواب دیا تھا۔”عینی تم ٹھیک ہو؟”اسفند عجلت میں وہاں دوڑتا ہوا پہنچا تھا۔”جی بھائی۔۔”خوف سے اب بھی وہ ہلکا ہلکا کپکپا رہی تھی۔”آپ کی بہن کو بغیر سکیورٹی کے نہیں نکلنا چاہئے جو آج پانی پھینک کرگئے ہیں کل تیزاب بھی پھینک سکتے ہیں۔” زبیر سے ملنے وہ وارڈ میں پہنچے تو اس نے اسفند کو محتاط رہنے کی تنبیہ کی تھی۔”یہ اسی وڈیرے کی حرکت ہے اسے میں نہیں چھوڑوں گی اب۔۔”عینی کو نیا جنون چڑھا تھا۔”پہلے میں تو چھوڑ دوں کل کا سورج ڈھلنے سے پہلے وہ سلاخوں کے پیچھے ہوگا مس رومانا حمید صاحبہ۔۔”زبیر نے مکمل یقین دہانی کروائی تھی۔