”فاطمہ، یہ والا کارڈ دیکھیں،کیسا رہے گا؟“۔بے شمار کارڈز کے سیمپلز پھیلائے ہوئے تھے۔ان میں رنگوں اور ڈیزائنز کا خوبصورت امتزاج تھا۔کبھی ماریہ ابراہیم کسی کو رد کرتی، تو کبھی احسن ابراہیم۔
”ماریہ،ذرا اپنی چوائس کو بہتر بناؤ،پھر سیلیکٹ کرنے آنا۔ فاطمہ، یہ گولڈن والا بیسٹ رہے گا“ماریہ کے ہاتھ میں موجود کارڈ کو اس نے پھر سے رد کر دیا۔ماریہ خونخوار نظروں سے اسے گھورنے لگی۔
”اچھا بھئی،بس کرو! کب سے تم دونوں کارڈ کے پیچھے سر کھپا رہے ہو؟ کوئی ایک سیلیکٹ کرو،بات ختم“۔فاطمہ تھک کر، ایک گھنٹے کی بحث کے بعد بالآخر بول پڑی۔
”کیا مطلب؟ فاطمہ کمال کی شادی کا بہترین کارڈ ہونا چاہیے“۔دونوں یک زبان ہو کر بولے۔ فاطمہ ان کے انداز پر ہنس پڑی۔
”صرف فاطمہ نہیں، عابد کی بھی شادی ہے“۔ تائی، جو کافی دیر سے صوفے پر بیٹھ کر انہیں فاطمہ فاطمہ کی گردان کرتے سن رہی تھیں، تپ کر گویا ہوئیں۔کینو چھیلتے ہوئے ہاتھ لمحے کے لیے رکے۔پھر دوبارہ سے اپنے کام میں مصروف ہوگئے۔
”ہاں تو تائی امی، جو کارڈ فاطمہ کے لیے پسند کر رہے ہیں، وہی عابد بھائی کا بھی ہوگا۔اب دلہن اور دولہا کے کارڈ الگ الگ تھوڑی چھپیں گے؟ایک ہی گھر کی شادی ہے“۔ماریہ کارڈ ہاتھ میں اٹھاتے ہوئے ایک نظر انھیں دیکھ کر کہنے لگی۔
”یہ کیا پھیلائے بیٹھے ہو؟اور یہ گھر کے بزرگوں کا کام ہے یا دلہن شرم و حیا بیچ کر خود ہی سارے کام کرے گی؟“۔ پھوپھی ریحانہ لاؤنج میں داخل ہوئیں،ہمیشہ کی طرح اپنی تلخ باتوں کے ساتھ۔فاطمہ کمال کی مٹھیاں بھینچ گئیں۔ وہ تو یہاں ان کے اصرار پر بیٹھی تھی،ورنہ اندر سے اس کا دل اتنا گھبرا رہا تھا کہ کسی چیز پر دھیان نہیں دے پا رہی تھی۔
”ارے پھوپھی جان، خود کو اپ گریڈ کریں نا! انیسویں صدی تھوڑی ہے، اور صرف کارڈ ہی تو پسند کر رہی ہیں، کون سا عابد بھائی کے ساتھ شاپنگ پہ چلی گئی ہیں؟“۔۔ احسن ابراہیم بھرپور مسکراہٹ کے ساتھ گویا ہوا۔ ماریہ ابراہیم سر جھکائے مسکراہٹ چھپانے کی کوشش کر رہی تھی، اور فاطمہ کمال نفی میں سر ہلاتی رہی۔
”توبہ! کتنے بے شرم ہوگئے ہو۔بڑے چھوٹے کا لحاظ ہی نہیں رہا۔ یہ تربیت کی ہے تم نے، شمائلہ؟“۔کانوں کو ہاتھ لگاتی، بھرپور اوور ایکٹنگ کے ساتھ، انہوں نے شمائلہ ابراہیم کو بھی گھسیٹ لیا۔جو تائی کے ساتھ بیٹھی کینو
سے لطف اندوز ہورہی تھیں۔
”مجھے کیا کہ رہی ہیں؟میری اولاد تو خود میرے ہاتھوں میں نہیں رہی۔ پتہ نہیں کیا جادو کیا ہے اس لڑکی نے“۔ چچی حقارت سے فاطمہ کو دیکھنے لگیں۔
”امی، بات جادو کی نہیں، بات احساس اور محبت کی ہے۔ جہاں یہ دونوں چیزیں ہوں،انسان وہاں خود بخود کھینچا چلا جاتا ہے۔آجائیں آپ دونوں سوپ پینے چلتے ہیں“۔ قدرے دھیمے اور نرم لہجے میں ماں کو جواب دیتے ہوئے، احسن نے ان دونوں سے مخاطب ہو کر کہا۔
”زبردست آئیڈیا! چلو فاطمہ“۔ماریہ پرجوش سی اس کا ہاتھ پکڑتے ہوئے کھڑی ہو گئی۔پیچھے باقی خواتین غصے سے بیچ و تاب کھاتی رہ گئیں۔
”ارے علینہ آپی!آپ تو بہت زبردست اپ گریڈ ہوگئی ہیں“۔علینہ کو اندر آتا دیکھ کر احسن ستائشی انداز میں اسے دیکھا۔جینز کے اوپر ٹاپ پہنے وہ ہمیشہ کی طرح تیار تھی۔اپنی تعریف پر وہ مسکرائی تھی۔
”تھینکس احسن“۔۔ایک ادا سے بالوں کو جھٹکی۔
”پھوپھی جان کو بھی اپنی طرح اپ گریڈ کریں“۔۔وہ مسکراتا ہوا گویا ہوا۔پیچھے باقی خواتین کا چہرہ فق ہوا۔علینہ چونکہ بےخبر تھی تو وہ اسے تعریف سمجھ کر بھرپور انداز میں مسکرائی۔پھوپھی اس قدر بعزتی پر دھواں دھواں سی ہوگئیں۔لیکن وہ کچھ کہنے کے قابل نہیں تھی۔
”مت الجھا کرو تم دونوں میری وجہ سے،ماں ہیں تمہاری“۔۔ فاطمہ کمال بے بسی سے ان کے ساتھ چلتے ہوئے کہہ رہی تھی۔اس کا اشارہ شمائلہ بیگم کو جواب دینے کی جانب تھا۔
”الجھنے، بتمیزی کرنے اور سہی بات کو بیان کرنے میں فرق ہوتا ہے۔میں نے وہی کیا جو مجھے کرنا چاہیے تھا“۔نرم لہجے میں کہتے ہوئے وہ ڈرائیونگ سیٹ سنبھال گیا۔۔
”تھینک یو“۔اس نے نم آنکھوں سے ان دونوں کو دیکھا۔
”بہن ہیں میری،اور بھائیوں کا کام ہی بہن کو سپورٹ اور پروٹیکٹ کرنا ہوتا ہے،سو ڈونٹ سی اٹ اگین“۔پیار بھری دھمکی دی تھی۔
”ماریہ ابراہیم، آپ کی بیسٹ بڈی ہے تو مجھے کچھ نہیں کہنا“۔ ماریہ نے اس کے گال کھینچتے ہوئے کہا تو تینوں ہنس دیے۔۔
ـــــــــــــــــــــــــــــــــــــــــــــــــــــ
Mohabbat Fateh Tehri by Ayesha Asghar Episode 3
