Tamseel Episode 3

میٹنگ کے بعد وہ باہر نکلنے لگا جب اچانک لاؤنج میں نظر گھوم گئی لیکن وہ اسے کہیں بھی نظر نہیں آئی۔ لان میں پہنچا تو وہ ایک طرف کھڑی نظر آئی۔ اس کے چہرے پر چٹانوں سی سختی تھی اور آنکھوں میں دور سے ہی سردپن جھلک رہا تھا۔ وہ عام لڑکیوں سے مختلف تھی تبھی آج شاید یہاں تھی۔۔
اس کے گاڑی میں بیٹھنے پر باقی گارڈ اپنی اپنی گاڑیوں میں دوڑ کر سوار ہو گئے۔ وہ کھڑکی کے پاس خاموشی سے کھڑی تھی۔ ابراز کو اسے اس طرح کھڑے دیکھ کر جھنجلاہٹ ہوئی۔۔
“بیٹھ جائیں، یا پھر دعوت نامہ بھیجوں۔۔!!” اس نے اپنی ہی سیٹ پر بیٹھنے کا کہا جس پر وہ خاموشی سے بیٹھ کر دروازہ بند کر دیا۔۔
“نام کیا ہے۔۔؟” موبائل فون استعمال کرتے ہوئے بڑے عام سے انداز میں پوچھا گیا۔۔
“زرگون۔۔!!” اس کی آواز بہت خوبصورت تھی۔ ابراز نے چونک کر ایک پل کے لئے اسے دیکھا پھر نظریں ہٹا لیا۔۔
سیاہ ٹریک سوٹ میں ملبوس بالوں کو جوڑے کی شکل میں باندھے، تیکھے نین نقش اور آنکھوں میں ایک عجیب سا سرد پن لیے اس کے ساتھ بیٹھی ہوئی تھی۔ اس کے تھوڑی پر وہ تین تل اسے پرکشش بنا رہے تھے یا نہیں لیکن ابراز کی نظریں ایک پل کے لئے اُن پر ٹھہری ضرور تھی۔۔
“مس زرگون جب میں نے آپ کو اندر بیٹھنے کا کہا تھا تو باہر کیوں گئیں۔۔؟” اس کے سرد لہجے پر بھی زرگون نے اس کی طرف نہیں دیکھا بلکہ سنجیدگی سے باہر دوڑتے بھاگتے منظر پر غور وفکر جاری تھی۔۔
“انسان کو اپنی اوقات نہیں بھولنی چاہیے اور میری اوقات کیا ہے یہ مجھے اچھے سے معلوم ہے۔ میں اپنی جگہ پر تھی۔۔!!” اس کی بات میں چھپے مفہوم کو سمجھ کر وہ کتنے ہی پل تک تو ساکت رہ گیا۔ اسے اس سے ایسی توقع نہیں تھی۔ اتنی گہری بات تو وہی کر سکتا تھا جو اس دنیا کا ٹھکرایا ہوا ہو۔۔
سجیلہ ہاؤس پہنچنے تک گاڑی میں خاموشی ہی رہی۔ گاڑی گیٹ سے اندر داخل ہوئی تو اس سے پہلے وہ اتر کر اس کے لئے دروازہ کھول دیا۔ ابراز خاموشی سے اتر کر اندر داخل ہونے لگا جب اسے اپنے پیچھے محسوس کر کے واپس مڑا۔۔
“صاحب جی مجھے بڑے صاحب نے خاص طور پر سجیلہ ہاؤس میں آپ کا خیال رکھنے کا حکم دیا تھا اور میں ان کے حکم کے مطابق ہی چل رہی ہوں۔۔!!” اس کے رکنے پر ہی وہ اس کے سوال کا اندازہ لگا چکی تھی اس لئے بنا پوچھے ہی جواب دے دیا۔ وہ لب بھینچ کر کچھ دیر تک یونہی کھڑا رہا پھر گھر کے اندر داخل ہو گیا۔۔
٭٭٭٭٭٭٭